Аҧсны Аҳәынҭқарра ашәҟәыҩҩцәа Реидгыла асаит
АҦС РУС

"Амилаҭ хәыҷы алитература ду рымазар ауеит. Сара уи агәра згоит".

Д. И. Гәлиа

Аҧсны Аҳәынҭқарра ашәҟәыҩҩцәа Реидгыла

Аҧсны Аҳәынҭқарра

ашәҟәыҩҩцәа Реидгыла

Алашара



 1954 шықәсазы аԥсуаа ҩаԥхьа алшара роуит акирилица шьаҭас измоу алфавит ахь ахынҳәра. Аԥсуа бызшәа ахархәара аԥсҭазаарахь архынҳәра апроцесс хацыркхеит, ишьҭыҵуа аҿынанахеит амилаҭтә культура, аԥсуа школқәа реиҭашьақәыргылара напы адыркит, ԥсышәала аҵара шьҭырхит, амилаҭтә кадрқәа разыҟаҵара ӷәӷәала иазхьаԥшит.

Убри аамҭазы иқәгылеит азҵаара, есымза иҭыҵуа алитературатә журнал аҭыжьра. Ари азҵаатәы ӷәӷәа аӡбараҿы хьаҵра ҟамҵакәа аусура далагеит Д. И. Гәлиа. Уи акыр шықәса ҵуан убри аҩыза аус аԥшьгара  игәы иҭеижьҭеи. Иара идгыланы убри аус ԥшьа напы адыркит аԥсуа интеллигенциа ахаҭарнакцәа, Аԥсны ашәҟәыҩҩцәа Реидгыла еиуеиԥшым ашықәсқәа раан хадара азызуаз И. К. Ҭарба (1948–1953, 1958–1979), Б. У. Шьынқәба (1953–1958) уҭәа егьырҭгьы. Убарҭ зегьы ирыбзоураны 1955 шықәса рзы аҭыҵра иалагеит Аԥсны ашәҟәыҩҩцәа Реидгыла иатәу алитература-сахьаркыратә ауаажәларра-политикатә журнал «Алашара». Ари даара ихҭыс дуӡӡахеит Аԥсны адоуҳатә культура аизҳараҿы. Асеиԥш аԥсуа журнал есымза иҭыҵуа амилаҭтә культураҿы ахаан иҟамлаӡацызт.

Ажурнал аиҿкаара иалахәын: Д. И. Гәлиа, Б. У. Шьынқәба, И. Гь. Папасқьыр, А. Н. Гогәуа, Ш. Д. Инал-иԥа, К. Шь. Ломиа, И. К. Ҭарба уҳәа убас егьырҭгьы.




Ажурнал "Алашара" 2014
Ажурнал "Алашара" 2015
Ажурнал "Алашара" 2016
Ажурнал "Алашара" 2017
Ажурнал "Алашара" 2018
Ажурнал "Алашара" 2019
Ажурнал "Алашара" 2020
Ажурнал "Алашара" 2021
Ажурнал "Алашара" 2022
Ажурнал "Алашара" 2023
Ажурнал "Алашара" 2024