Аҧсны Аҳәынҭқарра ашәҟәыҩҩцәа Реидгыла асаит
АҦС РУС

"Амилаҭ хәыҷы алитература ду рымазар ауеит. Сара уи агәра згоит".

Д. И. Гәлиа

Аҧсны Аҳәынҭқарра ашәҟәыҩҩцәа Реидгыла

Аҧсны Аҳәынҭқарра

ашәҟәыҩҩцәа Реидгыла

АԤСНЫ АШӘҞӘЫҨҨЦӘА РЕИДГЫЛА ОНЛАИН-КОКУРС РЫЛАНАҲӘОИТ ИВАН ҬАРБА ДИИЖЬҬЕИ 100 Ш. АҴРА АИУБИЛЕИ АҲАҬЫР АЗЫ ИПОЕЗИЕИ ИПРОЗАТӘ ҨЫМҬАҚӘА РЦЫԤҴӘАХАҚӘЕИ ҾЫРҲӘАЛА РЫԤХЬАРАЗЫ





Аконкурс хықәкыс иамоуп апоет, апрозаик, ауаажәларратә усзуҩы, Д.И. Гәлиа ихьӡ зху Аҳәынҭқарратә премиа алауреат  И.К. Ҭарба игәалашәара амырӡра, ирҿиамҭақәа рҟны иаарҧшу аҧсуа ҧсҭазаара агәылаҧшра, аҧхьаҩцәа  ҿарацәа рааӡара, амилаҭтә литература абзиабара дыркра, рдунеихәаҧшра арбеиара.

Аконкурс иалахәхар рылшоит 15 ш. инаркны 25 ш. зхыҵуа ирыҵанакуа аҿар.

Аусмҩаҧгатә зҽалазырхәуа рықәгылара авидеонҵамҭа: апоезиа иаҵанакуа –  4-минуҭк рҟынӡа; апроза  -  5-минуҭк иреиҳамзароуп.

Авидеонҵамҭақәа аашәышьҭла Аҧсны ашәҟәыҩҩцәа Реидгыла аелектронтә ҧошьҭа ашҟа: Kamachich@yandex.ru

Аконкурс ҿҳәарас иамоуп 2021 ш. март 1 инаркны  маи 31  рзынӡа.

Аконкурс аихшьала рылаҳәахоит ианхыркәшахалак ашьҭахь жәамш   ирхымгакәа.

 Аконкурс аҧҟарақәа:

Ҷыдала иаҧҵахо ажиури аконкурс ахь иаашьҭхауа авидеонҵамҭақәа ирыхәаҧшны  иалрыҧшаауеит абжьыҭирахь инарышьҭуа.

Абжьыҭираан апоезиеи апрозеи ржанрқәа ирыҵанакуа рзы хазы-хазы  абжьыҭира еиҿкаахоит,  иалкаахоит иреиҳаны абжьқәа зауз хҩык-хҩык. Шаҟа бжьы роуз ала ишьақәыргылахоит досу иааникылаз аҭыҧ.

Аҧхьахәқәа аанызкылаз ирыҭахоит адипломқәеи аҳамҭақәеи.

Аконкурс зҽалазырхәуа ҿырҳәала ирыҧхьар ауеит (аҧсышәала):  

ажәеинраала;

апоема ацыҧҵәаха;

апрозатә ҩымҭа ацыҧҵәаха.

Аконкурс алахәцәа еиӷьны изыҧхьо ралкаараан изызхьаҧшхауа аҟазшьақәа иреиуоуп:

- аҧхьараан ажәақәа ииашаны рҳәара;

- ажәа аҟны ақәыӷәӷәара ақәныҟәара;

- ааҭгылара ацклаҧшра;

- аҧхьашьа иахәҭоу атемп алхра;

- зда ҧсыхәа ыҟам аинтонациа хшыҩзышьҭра аҭара;

- агха ҟамҵакәа аҧхьара;

- осу дзыҧхьо ахаҭа аҵакы адкылашьа;

-  аҧхьараан ииашаны абжьы ашьақәыргылара;

- артист иҟазшьақәа раарҧшра.

 Абжьагажәақәа рзы  аҭел шәасыр шәылшоит абарҭ аномерқәа рахь:

771-08-80; 772-70-86.