Аҧсны Аҳәынҭқарра ашәҟәыҩҩцәа Реидгыла асаит
АҦС РУС

"Амилаҭ хәыҷы алитература ду рымазар ауеит. Сара уи агәра згоит".

Д. И. Гәлиа

Аҧсны Аҳәынҭқарра ашәҟәыҩҩцәа Реидгыла

Аҧсны Аҳәынҭқарра

ашәҟәыҩҩцәа Реидгыла

АԤСНЫ АШӘҞӘЫҨҨЦӘА РЕИДГЫЛА ОНЛАИН-КОНКУРС РЫЛАНАҲӘОИТ МИХА ЛАКРБА ДИИЖЬҬЕИ 120 Ш. АҴРА АҲАҬЫР АЗЫ ИНОВЕЛЛАҚӘА ҾЫРҲӘАЛА РЫԤХЬАРАЗЫ





Онлаин-конкурс хықәкыс иамоуп  М.  А. Лакрба иновеллақәеи адраматургиа иаҵанакуа иҩымҭақәеи  ирылоу ааӡаратә ҵакы еиҵагыло  абиҧарақәа рыларҵәара; ахатәы бызшәа аҧшӡареи абеиареи  инарҭбааны  аӡыргара; аҧсуа литература агәыблра дыркреи  ашәҟәы аҧхьара абзиабара рылааӡареи;  аҿар рырҿиаратә хәыцра  аизырҳареи аҧсуа ихаҿра аазырҧшуа идунеи рагәыларҧшреи.

М.А. Лакрба иновеллақәа ҿырҳәала рыҧхьаразы аконкурс иалахәхар рылшоит 15 ш. инаркны 25 ш. зхыҵуа ирыҵанакуа аҿар.

Аконкурс зҽалазырхәуа рықәгылара авидеонҵамҭа 5-минуҭк иреиҳамзароуп.

Авидеонҵамҭақәа аашәышьҭла Аҧсны ашәҟәыҩҩцәа Реидгыла аелектронтә ҧошьҭа ашҟа: Kamachich@yandex.ru

Аконкурс ҿҳәарас иамоуп 2021 ш. ианвар 15 инаркны апрель 15  рзынӡа.

Аконкурс аихшьалақәа рылаҳәахоит ианхыркәшахалак ашьҭахь жәамш   ирхымгакәа.

 Аконкурс аҧҟарақәа:

Ҷыдала иаҧҵахо ажиури аконкурс ахь иаашьҭхауа авидеонҵамҭақәа ирыхәаҧшны иалрыҧшаауеит абжьыҭирахь инарышьҭуа.

Абжьыҭираан иалкаахоит ановеллақәа рыҧхьаразы иреиҳаны абжьқәа зауз хҩык. Шаҟа бжьы роуз ала ишьақәыргылахоит досу иааникылаз аҭыҧ.

Аҧхьахәқәа аанызкылаз ирыҭахоит адипломқәеи аҳамҭақәеи.

Аконкурс зҽалазырхәуа ҿырҳәала ирыҧхьар ауеит (аҧсышәала):

ановелла;

ановелла ацыҧҵәаха.

Еиӷьны иаҧхьо ралкаараан изызхьаҧшхауа аҟазшьақәа иреиуоуп:

- аҧхьараан ажәақәа ииашаны рҳәара;

- ажәа аҟны ақәыӷәӷәара ақәныҟәара;

- ааҭгылара ацклаҧшра;

- аҧхьашьа иахәҭоу атемп алхра;

- зда ҧсыхәа ыҟам аинтонациа хшыҩзышьҭра аҭара;

- агха ҟамҵакәа аҧхьара;

- досу дзыҧхьо ахаҭа аҵакы адкылашьа;

-  аҧхьараан ииашаны абжьы ашьақәыргылара;

- артист иҟазшьақәа раарҧшра.

 Абжьагажәақәа рзы  аҭел шәасыр шәылшоит абарҭ аномерқәа рахь:

771-08-80; 772-70-86.