Аҧсны Аҳәынҭқарра ашәҟәыҩҩцәа Реидгыла асаит
АҦС РУС

"Амилаҭ хәыҷы алитература ду рымазар ауеит. Сара уи агәра згоит".

Д. И. Гәлиа

Аҧсны Аҳәынҭқарра ашәҟәыҩҩцәа Реидгыла

Аҧсны Аҳәынҭқарра

ашәҟәыҩҩцәа Реидгыла

АԤСНЫ ЖӘЛАР РПОЕТ ДЫРМИТ ГӘЛИА ДИИЖЬҬЕИ 147 ШЫҚӘСА ҴИТ





21.02.2021

Февраль 21 – аҧсуа сахьаркыратә литература ауасхыр азышьҭаҵаҩ, Аҧсны жәлар рпоет Дырмит Иосиф-иҧа Гәлиа имшира аҽны Аҟәа агәаны игылоу ибаҟаҿы ашәҭ шьыҵәрақәа шьҭарҵеит, жәлар рдоуҳатә хыбаҩ дыргәаладыршәеит ашәҟәыҩҩцәа, аҵарауаа, акультуреи аҟазареи русзуҩцәа, ауаажәларратә хеидкылақәа рхаҭарнакцәа.

Абаҟа иаҭааит, апатриарх дыргәаладыршәеит Аҧсны Аҧыза-министр инапынҵақәа назыгӡо, афинансқәа рминистр Владимир Делба, Аҧыза-министр ихаҭыҧуаа Беслан Џьопуа, Владимир Пустовалов, иара убас Аҧсны Ахада иусбарҭа анапхгаҩы ихаҭыҧуаҩ Џьансыхә Нанба, адәныҟатәи аусқәа рминистр Даур Ақаҩба, акультура аминистр Гәдиса Агрба уҳәа егьырҭгьы.

Анаҩс Д.И. Гәлиа Иҩны-музеи ашҭаҿ жәлар рпоет дыргәаларшәауа иқәгылеит, ажәеинраалақәа ирыҧхьеит амузеи аиҳабы Светлана Қорсаиа, Аҧсны ашәҟәыҩҩцәа Реидгыла ахантәаҩы Вахтанг Аҧҳазоу, апоетцәа Анатоли Лагәлаа, Гәында Кәыҵниа, Дырмит Габелиа, апоет ҿа Шьазина Бганба уҳәа егьырҭгьы.