24.03.2021
Аҧсны ашәҟәыҩҩцәа Реидгыла аҧҵоижьҭеи 85 ш. аҵра аҳаҭыр азы иҭыжьын абуклет. Ашәҟәыҩҩцәа еиуеиҧшым рабиҧарақәа рфотосахьақәа рыла еиқәыршәоу абуклет аҟны ицәыргоуп ашәҟәыҩҩцәа Реидгыла аиҿкаареи, ашьақәгылареи, амилаҭтә литература аҿиареи рымҩақәа.
Ақәра змоу арҿиаратә еиҿкаарақәа ируаку Аҧсны ашәҟәыҩҩцәа Реидгыла аҧҵан 1933 ш. рзы. Уи аилазаараҿы иҟоуп, ашәҟәыҩҩцәа реиҧш, акритикцәа, алитератураҭҵааҩцәа.