Аҧсны Аҳәынҭқарра ашәҟәыҩҩцәа Реидгыла асаит
АҦС РУС

"Амилаҭ хәыҷы алитература ду рымазар ауеит. Сара уи агәра згоит".

Д. И. Гәлиа

Аҧсны Аҳәынҭқарра ашәҟәыҩҩцәа Реидгыла

Аҧсны Аҳәынҭқарра

ашәҟәыҩҩцәа Реидгыла

ДЫРМИТ ГӘЛИА ДИИЖЬҬЕИ 145 Ш. АҴРЕИ АГАЗЕҬ «АҦСНЫ» АКТӘИ АНОМЕР ҬЫҴИЖЬҬЕИ 100 Ш. АҴРЕИ ИРЫЗКУ АИУБИЛЕИТӘ УСМҨАҦГАТӘҚӘА РЗЫ ИАҦҴОУП АҲӘЫНҬҚАРРАТӘ КОМИССИА





25.01.2019

Ианвар 24 рзы Аҧсны Ахада инапы зҵаиҩыз адҵа инақәыршәаны Аҧсуа литература ашьаҭаркҩы, иналукааша апоет, апрозаик, адраматург, аҭоурыхҭҵааҩ, ауаажәларратә усзуҩы, Аҧсны жәлар рпоет Дырмит Иосиф-иҧа Гәлиа диижьҭеи 145 шықәса аҵра, насгьы аҧсуа газеҭ «Аҧсны» актәи аномер ҭыҵижьҭеи 100 шықәса аҵра инамаданы иаҧҵоу Аҳәынҭқарратә комиссиа аилазаара иалаҵоуп:

Аршба Д.Џь. – Аҧсны Аҧыза-министр актәи ихаҭыҧуаҩ – ахантәаҩы;

Занҭариа В.К. – Аҧсны Аҳәынҭқарра Ахада иабжьгаҩ – ахантәаҩы ихаҭыҧуаҩ;

Арсалиа Е.А. – Аҧсны акультуреи аҭоурых-культуратә ҭынха ахьчареи рминистр;

Аҧҳазоу В.В. – Аҧсны ашәҟәыҩҩцәа Реидгыла ахантәаҩы;

Ашәба А.Е. – Д.И.Гәлиа ихьӡ зху Аҧсуаҭҵааратә институт адиректор;

Аҩӡба У.Ш. – аҭҵаарадырратә центр «Аҧсуа енциклопедиа» адиректор;

Ажьиба Е.В. – агазеҭ «Аҧсны» аредактор хада;

Аҳашба И.Н. – ажурнал «Амцабз» аредактор хада:

Џьапуа З.Џь. – Аҧсны аҭҵаарадыррақәа Ракадемиа ахада;

Какоба А.П. – Аҧсны аҵареи аҭҵаарадырреи рминистр;

Қорсаиа С.В. – Д.И. Гәлиа илитература-мемориалтә Ҩны-музеи адиректор;

Лашәриа М.Т. – Аҧсны ашәҟәыҩҩцәа Рассоциациа ахантәаҩы;

Лагәлаа А.И. – ажурнал «Алашара» аредактор хада;

Наҷҟьебиа Д.К. – Аҧснытәи аҳәынҭқарратә шәҟәҭыжьырҭа адиректор;

Ҳагәышь Б.А. – Аҳәынҭқарратә бызшәатә политиказы аҳәынҭқарратә еилакы ахантәаҩы;

Ҳашыг Р.М. – Аҧсны ажурналистцәа Реидгыла ахантәаҩы;

Ҷкотуа О.Б. – ашәҟәыҩҩы, аиҭагаҩ.

Ҩымчыбжьа рыҩныҵҟа Аҳәынҭқарратә комиссиа иазнархиароуп Д.И.Гәлиа диижьҭеи 145 шықәа аҵра, насгьы агазеҭ «Аҧсны» актәи аномер ҭыҵижьҭеи 100 шықәса аҵра иазку аиубилеитә усмҩаҧгатәқәа рплан.