Аҧсны Аҳәынҭқарра ашәҟәыҩҩцәа Реидгыла асаит
АҦС РУС

"Амилаҭ хәыҷы алитература ду рымазар ауеит. Сара уи агәра згоит".

Д. И. Гәлиа

Аҧсны Аҳәынҭқарра ашәҟәыҩҩцәа Реидгыла

Аҧсны Аҳәынҭқарра

ашәҟәыҩҩцәа Реидгыла

Исаев Тауз Сулҭан-иҧа



Исаев Тауз Сулҭан-иҧа (илитературатә ҧсевдоним – Ҭауз Исс)  (10.11.1951, Ҟазахсҭан — 08. 07. 2021) – ачечен поет, апрозаик, Аҧсны ашәҟәыҩҩцәа Реидгыла (2003), Урыстәылеи Чечентәылеи рышәҟәыҩҩцәа Реидгылақәа (2007) рлахәыла. Дыҩуан урысшәалеи чечен бызшәалеи.

1957 шықәсазы, ачечен жәлар андыриаша, насгьы ареспублика анырзышьақәдыргыла, иҭаацәа Чечентәылаҟа ихынҳәыртә аҭагылазаашьа роуит. Убри ашықәс азы ашкол ахь дцеит. Асовет (Шатои) раион Зоновтәи 8-шықәсатәи ашкол даналга (1965), абжьаратә школ хиркәшеит 1968 ш. иҭаацәа нхара иахьиасыз Ростовтәи аобласт аҟны. 1970-1972 шш. раан Асовет аррамаҵура дахысуан. 1973 ш. Чечен-Ингәыштәи аҳәынҭқарратә университет аҭоурыхтә факультет (аламырбатә ҟәша) дҭалеит. Ашколқәа рҟны дырҵаҩын, ашьҭахь Чечен-Ингәыштәи аҳәынҭқарратә драматә театр аҟны актиорс дыҟан. 1976 ш. Воронежтәи аҟазара аинститут дҭалеит, уаанӡатәи изаанаҭ ала аҵареи аҟазареи еидибалон, аха ахҧатәи акурс аҟны дыштәаз иҭаацәаратә ҭагылазаашьа инамаданы иҵара аанижьуеит. 1982 ш. Москва, А. Г. Горки ихьӡ зху Алитературатә институт даанахәеит. Хышықәса рышьҭахь иҵара аламырбатә ҟәша ашҟа ииаигеит. Аус иуан атеатр аҟны, иара убас агазеҭи ажурналқәеи рредакциақәа рҟны. 1988 ш. акәзар, Алитературатә институт (апоезиа асеминар) далгеит. 1995-2008 шш. раан Аҧсны дынхон. Аҧснытәи аҳәынҭқарратә университет аҿы аурыс литературеи акультурологиеи рзаанаҭ дирҵон. Ауаажәларратә еиҿкаара «Кавказ акультура академиа» ахада дихаҭыҧуаҩын.

Алитературатә рҿиарахь дымҩахыҵит апоезиа ала. Раҧхьатәи иажәеинраалақәа кьыҧхьын ажурнал «Звезда Востока» аҟны (чечен бызшәала, 1980). Иажәеинраалақәа рнылеит: аизга «Чтобы земле жить» (1982) аҟны, насгьы Москва иҭыжьыз «Ачечен поезиа антология» (чечен бызшәала), иара убас ажурналқәа: «Литературная Абхазия», «Орга», «Ваинах», «Нана» уҳәа рҟны.

Ажәеинраалақәеи апрозеи еидызкыло ашәҟәқәа жәпакы дравторуп.

Аҭыжьымҭа: урысшәала: Пространство души. Стихи. Грозный, 1991; Горсть. Стихи. Сухум, 2001; Грани. Эссе. Гагра, 2003; Путешествие в полдень. Рассказы. Сухум, 2006; Путешествие в полдень. Рассказы (совместно со сборником стихов «Горсть») (переиздание). Грозный 2008; Линии. Стихи. Сухум, 2008; Имя Родины. Роман-светологос. Сухум, 2012; Имя Родины. Роман-светологос. М., 2014; Чеченское солнце. Эссе. Грозный, 2014; Стихия. Стихи. Сухум, 2014).