Џьынџьал Нонна Иури-иҧҳа (21.08.1971, Аҧсны, Очамчыра араион Гәыҧ ақыҭан - 13.06.2025) – ашәҟәыҩҩы, апублицист. Аҧсны ашәҟәыҩҩцәа Реидгыла далан (2018). Дыҩуан аҧсышәала.

 1988 ш. далгеит Гәыҧтәи абжьаратәи ашкол. 1989-1995 шықәсқәа раан аҵара лҵон Аҧснытәи аҳәынҭқарратә университет афилологиатә факультет аҟны.

2000 ш. инаркны аус луан Гәылрыҧшьтәи абжьаратәи ашкол аҟны аҧсуа бызшәеи алитературеи рырҵаҩыс.

Лпрозатә ҩымҭақәа рнылахьеит ажурнал «Алашара», агазеҭ «Аамҭа», Аҧсны ашәҟәыҩҩцәа Реидгыла иҭнажьуа аҿар рырҿиамҭақәа еидызкыло аизга «Ашацкыра» (2009; 2011).

Аҭыжьымҭақәа:  «Абзиабара ашәа». Аповести ажәабжьқәеи. Аҟәа, 2016; «Ашьауардын  ахыԥша». Ажәабжьқәа. Аҟәа, 2019.