02.12.2019

Декабр 2 рзы Москва, Боголиубов ихьӡ зху аҟазара абиблиотека аҟзал ду аҟны имҩаҧысит Фазиль Искандер ихьӡ зху Жәларбжьаратәи алитературатә премиа иаҧсахаз рнапаҿы рыҭара.

«Апроза» аноминациа аҟны иреиӷьу ҳәа иалкаахеит ҩыџьа: Мосва инхо ҳџьынџьуаҩ Владимир Делба – апрозатә ҩымҭақәа «Звездная пыль моих воспоминаний» азы, насгьы Анатоли Курчаткин – ароман «Минус 273 градуса по Цельсию» азы.

«Апоезиа» аноминациа аҟны апремиа даҧсахеит Алексеи Остудин – «Вишневый сайт» азы.

«Адраматургиа, акиносценариа» аноминациаҿы – Евгениа Декина лсценариа «Страх».