Аҧсны Аҳәынҭқарра ашәҟәыҩҩцәа реидгыла

Ажәабжьқәа

ДҲАԤХЕИТ ТЕРЕНТ ҶАНИА

Иҧсадгьыли иуаажәлари дрыҧхеит зыҧсҭазаара зегьы аҧсуа милаҭтә литература, адоуҭатә культура арҿиара иазкыз, еицырдыруа апоет, апрозаик, апублицист, ауаажәларратә усзуҩы Терент Ҷаниа.

Анаҩс

ИНАЛУКААША АԤСУА ШӘҞӘЫҨҨЫ МИХА ЛАКРБА ДИИЖЬҬЕИ 120 ШЫҚӘСА ҴУЕИТ

Еицырдыруа аҧсуа шәҟәыҩҩы, апоет, адраматург, асценарист, атеатрҭҵааҩы Миха Алеқсандр (Аҳмаҭ)-иҧа Лакрба диит (19.01.1901) Аҧсны, Аҟәатәи аокруг Кәыдрытәи аучастка (иахьатәи Гәылрыҧшь араион) Мархьаул ақыҭан (иԥсҭазаара далҵит – 15.10.1965) –. Аҧсны аҟазара зҽаҧсазтәыз аусзуҩы ҳәа аҳаҭыртә хьӡы ихҵан. СССР ашәҟәыҩҩцәа Реидгылеи (1938) Аҧсны ашәҟәыҩҩцәа Реидгылеи дрылан. Аџьынџьтәылатә еибашьра Дуӡӡа (1941-1945) далахәын. Асахьаркыратә ҩымҭақәа иҩуан аҧсышәала, астатиақәеи аҭҵаамҭақәеи – урысшәалеи аҧсышәалеи.

Анаҩс

АԤСНЫ АШӘҞӘЫҨҨЦӘА РЕИДГЫЛА ОНЛАИН-КОНКУРС РЫЛАНАҲӘОИТ МИХА ЛАКРБА ДИИЖЬҬЕИ 120 Ш. АҴРА АҲАҬЫР АЗЫ ИНОВЕЛЛАҚӘА ҾЫРҲӘАЛА РЫԤХЬАРАЗЫ

Онлаин-конкурс хықәкыс иамоуп М. А. Лакрба иновеллақәеи адраматургиа иаҵанакуа иҩымҭақәеи ирылоу ааӡаратә ҵакы еиҵагыло абиҧарақәа рыларҵәара; ахатәы бызшәа аҧшӡареи абеиареи инарҭбааны аӡыргара; аҧсуа литература агәыблра дыркреи ашәҟәы аҧхьара абзиабара рылааӡареи; аҿар рырҿиаратә хәыцра аизырҳареи аҧсуа ихаҿра аазырҧшуа идунеи рагәыларҧшреи.

Анаҩс

АԤСНЫ АШӘҞӘЫҨҨЦӘА РЕИДГЫЛА ОНЛАИН-КОКУРС РЫЛАНАҲӘОИТ ИВАН ҬАРБА ДИИЖЬҬЕИ 100 Ш. АҴРА АИУБИЛЕИ АҲАҬЫР АЗЫ ИПОЕЗИЕИ ИПРОЗАТӘ ҨЫМҬАҚӘА РЦЫԤҴӘАХАҚӘЕИ ҾЫРҲӘАЛА РЫԤХЬАРАЗЫ

Аконкурс хықәкыс иамоуп апоет, апрозаик, ауаажәларратә усзуҩы, Д.И. Гәлиа ихьӡ зху Аҳәынҭқарратә премиа алауреат И.К. Ҭарба игәалашәара амырӡра, ирҿиамҭақәа рҟны иаарҧшу аҧсуа ҧсҭазаара агәылаҧшра, аҧхьаҩцәа ҿарацәа рааӡара, амилаҭтә литература абзиабара дыркра, рдунеихәаҧшра арбеиара.

Анаҩс

«41 42 43 »